LE GRAS, Advocat au Parlement de Roüen, homme for docte és langues, & Poëte François tres-excellent. Il a composé plusieurs oeuvres, non encores mises en lumiere. Il florist à Roüen cette annee 1584.

B. L. JAQUES LE GRAS, Advocat au Parlement de Roüen, de laquelle ville il est natif. Il a composé plusieurs Poëmes en Grec, Latin & François, lesquels ne sont encores imprimez, sinon les deux Sonnets qu'il fist en ma faveur pour mettre au devant de mon discours, lesquels ont esté imprimez avec aucuns de mes oeuvres. C'est ce qui me cause de passer icy soubs silence, les perfections qui sont en luy. Car lon pourroit penser que cette courtoisie receuë par moy de sa part, occasionneroit ce que je dirois de luy tant à son advantage. Il florist à Roüen cette annee 1584. Nous avons ja fait mention de luy cy devant à la lettre G. au fueillet 159. mais nous ne sçavions pas encores qu'il s'appellast de ce nom de Jaques: c'est pourquoy nous avons attendu à faire mention de luy en ses additions ou augmentations de nostre susdite Bibliotheque.