Notes

Source des données : Mandragore

• ... tortement en enfer. celui qui a trop grant neis senefie celui qui se fet trop sage et qui cuide plus savoir de son meistre. cil qui a trop petit neis senefie celui qui ne puet sentir la douce odor de la parole dieu et deable li eschace d'un maillet le neis. celui qui a le neiz tort senefie celui qui ne puet droit fere ne droit penser et deables li panche les balances. li avugles senefie celui qui gote ne voit en la divinite. li sors senefie celui qui ne puet oir la parole de l'evangile. li tigneus senefie le tegneus usurier et diables li amasse la teigne. li enflez senefie li gloton qui tut manjue et noient ne done au povre qui est devant lui. li chaceus senefie le luxurieus qui veut II femes ensemble. cil quia la maalle en l'oil senefie celz qui voelent aver plus d'une provende cil ont la maaille en l'oil. l'irancol senefie cels qui ont volente de luxure fere et ne mie le pooir