B. L. MAMERT PATISSON, Imprimeur & Libraire à Paris, homme for docte en Grec & en Latin, & en François aussi. Je n'ay encores point veu de ses escrits mis en lumiere, si peux-je bien asseurer que quand il voudra il en pourra faire imprimer de son invention, d'aussi beaux & doctes, comme ceux qu'il imprime d'ordinaire: en quoy il est à louer grandement pour le profit qu'il fait au public, touchant les beaux liures qu'il imprime tous les jours: car il ne choisist que de bonnes copies, & composees par hommes doctes, lesquelles il imprime for correctes, de beaux caracteres, sur bon papier & de belle marge, qui sont toutes les perfections de l'Imprimerie: en quoy il ne degenere de Messieurs les Estiennes, en la maison desquels il a pris alliance, ayant espousé la veufve du fils de Robert Estienne, pere de Henry &c. Il florist à Paris cette annee 1584.