Jean Le Féron (1504-1570?)

Référentiel d'autorité Biblissima : https://data.biblissima.fr/entity/Q8640

Notice bibliographique

Source des données : Bibliothèques françoises

B. L. JEAN LE FERON Advocat au Parlement de Paris, natif de Compiegne en Picardie l'un des plus diligents & des plus curieux hommes de France pour la recherche des maisons nobles, des armoiries, & de l'histoire, comme il l'a monstré par les livres qu'il a mis en lumiere, sçavoir est. Le catalogue des Connestables de France, Grands Maistres, Mareschaux, Admiraux, Chanceliers & Prevosts de Paris, &c. imprimez à Paris avec les Escussons ou Armoiries des susdits, & le blason d'icelles, chez Michel de Vascosan l'an 1555. Traité de la primitive institution des Rois Heraults, & poursuivans d'armes, imprimé à Paris chez Maurice Menier l'an 1555. in 4. ch. 12. L'Histoire Armoriale reduite en 12. volumes contenant les escussons, blasons, noms, surnoms, qualitez, & memoire perpetuelle, des Rois, Princes, Seigneurs, Gentils-hommes & Nobles de plusieurs Royaumes Chrestiens & infideles & principalement du Royaume de France. Ce livre n'est encores mis en lumiere. Il a recueilly le Catalogue des chevaliers de divers ordres, instituez par les Roys de France. Il n'est encores imprimé. Genealogie de la tresnoble & tresancienne maison de Sanzay en Poictou, contenant cent escussons ou armoiries des alliances les plus nobles de laditte maison. Elle se voit escrite à la main, chez mesdits sieurs de Sanzay, faite par ledit Jean le Feron l'an 1561. Il a escrit les genealogies de plusieurs maisons nobles de France, sçavoir est de Luxembourg, Croy ou Crouy en Picardie, Ducs d'Arscot, Bollongne sur la mer, Harcour en Normandie, & autres. Le grand blason d'armoiries composé l'an 1544. Le Symbole armorial de France & d'Escosse, fait l'an susdit 1544. Les Armoiries de tous les Roys, Roynes & enfans de France, depuis Pharamond jusques au regne du Roy Henry 2. avec une brefve description de leurs actes vertueux: ce livre n'est encores en lumiere non plus que les susdits. Il en fait mention en son epistre au Roy mise au devant de son catalogue des Connestables de France. Il florissoit à Paris l'an 1564. soubs le regne de Charles 9. âgé de plus de 60. ans, soubs le regne duquel Roy il mourut.

Autres personnes citées dans la notice :

Dans sa bibliothèque

Sources des données