Nicolas Flamel (auteur prétendu)

Référentiel d'autorité Biblissima : https://data.biblissima.fr/entity/Q22284

  • Autres graphies :
    • Nicolas Flamel
    • NICOLAS FLAMEL
    • Flamell (auteur prétendu)
    • Nicolaus Flamellus (auteur prétendu)
    • N. <Flamel>

Documents associés

Cette section liste les manuscrits, imprimés et autres types de documents auxquels la personne ou collectivité est associée, quel que soit son rôle vis-à-vis des documents.

Auteur :

Libraire :

Notice bibliographique

Source des données : Bibliotheques françoises

NICOLAS FLAMEL, natif de Pontoise, à sept lieuës de Paris, ancien Poëte, François, escrivain ou maistre d'escriture, peintre & Philosophe, Mathematicien & Architecte, & sur tout grand Alchimiste (comme l'asseurent aucuns.) Il a escrit un sommaire Philosophique, contenant plusieurs secrets de l'Alchimie ou pierre Philosophale, imprimé à Paris avec les trois traictez de la transformation metallique, chez Guillaume Guillard l'an 1561. avec les prefaces de Jaques Gohorry Parisien, lequel a discouru amplement dudit Flamel, comme aussi ont fait plusieurs Philosophes de nostre temps, desquels la plus grande partie croyent (ou pour le moins ils s'estudient de le persuader aux autres) que ledit Flamel avoit ce don, de sçavoir faire la pierre Philosophale, & qu'il ne se pouvoit faire autrement, veu les fondations, les superbes edifices, & autres choses de remarque qu'il a faites en son temps. Car quelques-uns ont laissé par escrit, qu'il estoit riche de plus de quinze cent mille escus, outre les aumosnes, dotations, & autres dons immenses qu'il fist, tant au Cemetiere des Innocents à Paris, à saincte Geneviefve des Ardents, & à S. Jaques de la Boucherie (auquel lieu il est à demy de relief, avec son escritoire au costé, & le chaperon sur l'espaule.) Mais afin de dire ce que plusieurs anciens maintiennent, & asseurent estre veritable, touchant les grands biens & richesses dudit Flamel, & ce qui le rendit si renommé pour ses facultez: ce fut qu'il eut la despouïlle des plus riches Juifs qui furent chassez de Paris en son temps, avec lesquels (encores qu'il fust Chrestien) il avoit intelligence, & succeda à leurs biens pour la plus grande partie, car il avoit cognoissance de ceux qui estoient redevables ausdits Juifs, lesquels il eust accusez au Roy, ou bien à ceux qui en avoyent la confiscation: mais il se contentoit de partager avec les crediteurs, & redevables aux Juifs, sans les decouvrir ou encuser. Et pour que lon n'eust cognoissance de celà, il feignit avoir trouvé la pierre Philosophale: & de peur que lon ne fist trop diligente information de ces choses, il s'adonnoit à bastir & fonder des Eglises, afin que l'inimitié que on luy eust peu porter, cessast en son en droict: qui estoit un bon moyen de se sauver, & principalement entre les Parisiens, qui sont tant addonnez à la devotion. Voylà ce que j'en ay peu apprendre, mesmement de ceux qui ont fait la plus grande profession de cette Philosophie, & entre-autres de Monsieur de Spay, gentilhomme du Maine, nommé Pierre Hoyau, homme de bien, & lequel n'a jamais abusé ou trompé aucun en cet art, se contentant de son estude particuliere en cette science, & autres curiositez esmerveillables, touchant les choses naturelles. Pour revenir à parler dudit Flamel, il est autheur du livre intitulé la trans-formation des metaux (selon que plusieurs en ont opinion.) Ce livre se voit escrit à la main en plusieurs Bibliotheques, & entre-autres en celle de Monsieur de la Richardiere, demeurant en la maison de Monsieur de Clermont &c. lequel se commence ainsi. Je te veux premierement monstrer la nature de tous metaux &c. Ledit Nicolas Flamel florissoit en l'an de salut 1393. & l'an 1409. Il est enterré au Cemetiere des Innocents à Paris, avec sa femme nommee Perronnelle: auquel lieu-se voit un tableau peint en huille, remply de plusieurs figures, qui servent comme d'Enigmes, pour vouloir monstrer la cognoissance qu'il avoit de la pierre Philosophale &c. Celuy qui a escrit la preface aux lecteurs, imprimee au devant du liure de Roch le Bailly, sieur de la Riviere, medecin en Bretagne, intitulé le Demosterion &c. fait ample mention dudit Flamel, ensemble Jaques Gohorry, & Gilles Corrozet.

Autres personnes citées dans la notice :

Sources des données