François Ier (roi de France, 1494-1547)

Référentiel d'autorité Biblissima : https://data.biblissima.fr/entity/Q4954

Notice bibliographique

Source des données : Bibliothèques françoises

B. L. FRANCOIS DE VALOIS premier du nom, tres-chrestien Roy de France. Il a esté appellé le Pere des lettres, pour y avoir employé toute son industrie à les mettre en leur perfection, & n'a jamais espargné or ny argent pour entretenir les hommes doctes, & pour recouvrer livres de toutes parts, pour enrichir cette superbe & magnifique Bibliotheque Royalle, dressee à Fonteinebleau. Il estoit for docte & tres-eloquent, ayant cognoissance de plusieurs langues, & entre autres de la Latine & Françoise, en laquelle il a escrit plusieurs livres, sçavoir est, La response aux Protestans d'Allemagne. Plusieurs epistres Françoises, faites Latines par Messire Guillaume du Bellay, sieur de Langey, & plusieurs Latines qu'il a mises en François. Plusieurs Poëmes tres-eloquents, sonnets, Epigrammes & autres genres de poësie Françoise, desquels Salmon Macrin de Loudun en Poictou fait mention, & lesquels il a traduits en Latin, & quelques vers touchant le labourage, desquels parle Iean Liebault, au commencement de sa maison Rustique. Traicté touchant la discipline militaire de ses Legionnaires, lesquels furent assis en sept diverses provinces du Royaume de France l'an 1533. à l'imitation des Romains. Il se list quelques vers dudit Roy, à la louange de Madame Laure d'Avignon, tant celebree par Petrarque. Il mourut l'an 1547. au Chasteau de Rambouillet en Beausse, au grand regret de tous hommes de lettres, & autres de ses subjects.

Autres personnes citées dans la notice :

Dans sa bibliothèque

Sources des données