FRANCOIS DE RABUTIN Bourguignon, Gentilhomme de la compagnie du Duc de Nivernois. Il a escrit des commentaires des dernieres guerres du Roy Henry deuxiesme, & de l'Empereur Charles cinquiesme, en l'an de salut 1552. pour la liberté des Princes d'Allemagne, &c. imprimez à Paris chez Michel Vascosan l'an 1555. La continuation des Commentaires des dernieres guerres en la Gaule Belgique, d'entre le Roy Henry deuxiesme, & l'Empereur Charles 5. & Philippes son fils, imprimee à Paris chez ledict Vascosan l'an 1559. Tous les unze livres des guerres de Henry deuxiesme Roy de France, composez par ledict Rabutin, ont esté imprimez chez Nicolas Chesneau, à Paris. La description du voyage dernier, que feist Monsieur le Duc de Guise en Italie, non encores imprimee. Traduction du livre d'Erasme, intitulé Moriae Encomium, c'est à dire louange de la folie, non encores imprimee. Il florissoit l'an 1569. soubs Charles neufiesme.