Messire ALBERT DE GONDY, yssu d'une tres-noble maison de Florence, Chevalier des deux ordres du Roy, Duc de Raiz, Mareschal de France &c. Il a esté employé en divers Embassades, pour les Roys & Roynes de France, tant pour le sçavoir qui est en luy, que pour son eloquence, dequoy il a donné & donne tous les jours un sufisant tesmoignage, tant pour l'aliance qu'il a prise avecques Madame Catherine de Clermont sa femme (l'une des plus doctes & spirituelles femmes de France) que pour le grand nombre d'hommes doctes, qui ont accez en sa maison, & encores pour la belle & magnifique librairie qu'il a. Il florist sous Henry 3.l'an 1584.il n'a encores rien mis en lumiere de ses compositions, ce sera quand il luy plaira qu'il en fera part à la posterité.